ප්‍රතිපත්ති ප්‍රකාශයෙහි ඇතුළත් ඉහළ මහජන උනන්දුවක් ඇති කළ අතිශය වැදගත් යෝජනා යැයි අප විසින් තක්සේරු කරන ලද පොරොන්දු 22 ක් නිරීක්ෂණය සඳහා තෝරා ගන්නා ලදි. මෙම වේදිකාවේ දෝෂ සහ අඩුපාඩු අවම කිරීමට අප විසින් විශාල ප්‍රයත්නයක් ගෙන තිබුණ ද කුඩා අත්වැරදීම් සහ අතපසුවීම් ද ඒ අතර සිදුවිය හැක. එලෙස කිසියම් වූ අත්වැරදීමකින් ඇතුළත් වූ දෝෂ හඳුනා ගැනීමට අපි මහජනතාවගේ දායකත්වය පතමු.

මෙම වේදිකාවට පොරොන්දුවක් ඇතුළත් කිරීම හෝ ඉවත් කිරීම යනු එකී පොරොන්දුවට ලබා දෙන අනමැතියක් යැයි මෙහිදී නොසැලකිය යුතුය. අනුර මීටරය හරහා ලබා ගත හැකි දත්ත පරිශීලනය කිරීම සහ අර්ථ නිරූපණය කිරීම මත පදනම්ව කිසියම් පුද්ගලයෙකු හෝ සංවිධානයක් හෝ විසින් එළැඹෙනු ලබන මත, නිගමන හෝ සිදු කරනු ලබන නියෝජනයන් යනාදිය සම්බන්ධයෙන් කිසිදු වගකීමක් වෙරිටේ රීසර්ච් ආයතනය විසින් දරනු නොලැබේ.